سياسة الاسترجاع والإلغاء

1. الأسعار والعملة

كل الأسعار على مكانك بالجنيه المصري (ج.م)، وبتشوف سعر الكورس كامل قبل ما تأكد الشراء، ومفيش أي رسوم مخفية بتتضاف بعد كده.

2. شحن المحفظة

الرصيد اللي بتشحنه (بالكارت أو بالدفع الإلكتروني) بيتضاف لمحفظتك على المنصة وبيتستخدم في شراء الكورسات. الرصيد المشحون مش بيتحول لفلوس نقدية، ما عدا الحالات المذكورة في بند 4.

3. إلغاء الاشتراك في كورس

لو اشتركت في كورس ومش عايز تكمل، افتح تذكرة دعم فني من حسابك واكتب اسم الكورس وسبب الإلغاء. بعد مراجعة الطلب، المبلغ اللي دفعته للكورس بيرجع لمحفظتك على مكانك، وتقدر تستخدمه في أي كورس تاني.

4. الخصم بالغلط أو المكرر

لو اتخصم منك مبلغ أكتر من مرة لنفس العملية، أو اتخصم من غير ما الرصيد يتضاف لمحفظتك، بلّغنا من صفحة "اتصل بنا" أو من تذكرة دعم فني ومعاك رقم العملية. بعد التأكد، بنرجّع المبلغ لنفس وسيلة الدفع اللي استخدمتها.

5. استبدال الكورس

لو اشتريت كورس بالغلط، تواصل معانا قبل ما تبدأ فيه، ونراجع طلب تحويل الاشتراك لكورس تاني.

6. التواصل

لأي طلب استرجاع أو استفسار، تقدر توصلنا من صفحة اتصل بنا.